تەندروستى

Arrangement of Anterior Denture Teeth – Video

بەهزاد — Tue, 22 Dec 2009 13:55:32 +0000

یۆ خوێندکارانى کۆلێجى پزیشکى ددان قۆناغى دووەم ؛ ئەم لینکانەى خوارەوە چۆنێتى Arrangement of Anterior Denture Teeth

ڕوندەکاتەوە کە لە وانەى (prosthetic ) وەریدەگرن …

http://www.youtube.com/watch?v=KTSXw88c6bE

http://www.youtube.com/watch?v=1m2tnTIk2pE

خۆپاراستن لە ئەنفلوەنزاى بەراز

بەهزاد — Fri, 11 Dec 2009 17:43:34 +0000

وەکو هەمیشە کاک دەوەن هاوکارى ماڵپەرى تەندروستى بووە ، ئەم جارەش وێنەیەکى بۆ ئامادە کردووین تیایدا چۆنێتى خۆپاراستن لە ئەنفلوەنزاى بەراز ڕوون دەکاتەوە ….

کرتە لە وێنەکە بکە بۆ بەگەورە کردنى

چۆن دەستەکانمان بشۆین ؟

بەهزاد — Tue, 24 Nov 2009 10:53:22 +0000

لەگەڵ بڵاوبوونەوەى نەخۆشى ناسراو بە ئەنفلوەنزاى بەرازدا ڕێکخراوى تەندرووستى جیهانى و ڕێکخلاوە تەندرووستىیە نا حکومییەکان و حکوومیەکان چەندین ڕێنماییان بڵاو کردۆتەوەى یەکێک لەو ڕێنماییانە چۆنێتى شوشتنى دەستە لە پێش نانخواردن و پاش نانخواردن و …. هتد …

بەڕێز کاک دەوەن لە ماڵپەرى کشتوکاڵەوە ئەم وێنەیەى ئامادە کردووە و پێشکەشى تەندروستى کردووە دەستخۆشى لێدەکەین ..

کرتە لەسەر وێنەکە بکە بۆ بە گەورە کردنى

پرۆگرامى 3D Dental Anatomy Simulation

بەهزاد — Fri, 06 Nov 2009 15:32:46 +0000

پرۆگرامێکە زانیارى لەسەر ددانەکان تێدایە بۆ خوێنکارانى کۆلێجى پزیشکى ددان بەسوودە ..

زانیارى لەسەر پرۆگرامەکە ؛

This software is an interactive 3D simulation system designed specifically
for dental students and researchers. We created this software in an
attempt to facilitate the learning curve for new people introduced to dental
anatomy and since I’ve never seen a free software that deal with this issue
we have decided to create our own.

داگرتن ؛

لەم لینکە ؛ http://www.4shared.com/file/68936249/ff8a189f/installer__3D_Dental_Anatomy_Simulation__.html

گروپى خوێنکارانى کۆلێجى پزیشکى ددانى زانکۆى سلێمانى

بەهزاد — Wed, 04 Nov 2009 14:40:05 +0000

زۆرێک لە بەکاربەرانى نێت لەوانەیە ووشەى فەیس بوکیان بەر گوێ کەوتبێت کە ماڵپەرێکى تایبەتە بە پەوەندى کردن و هەندێکیش بۆ کاتبەسەربردن بەکارى دەبەن جا ئێمەش گروپێکى بە ناو گروپمان دروستکردووە بۆ خوێنکارانى کۆلێجى پزیشکى ددانى زانکۆى سلێمانى ، جا گەر بەڕێزیشتان خوێنکارن فەرموو گەورەمانکەن

گروپەکە لێرە ببینە ؛ http://www.facebook.com/group.php?gid=199408466292

هەر بمێنن ..

دواى ددان کێشان پێویستە چى بکەیت

بەهزاد — Sun, 01 Nov 2009 13:11:41 +0000

دواى ئەوەى نەخۆشێک ددانى ئەکێشتێت لەبەر هەر هۆیەک بێت پێویستە ڕەچاوى ئەم خاڵانە بکات ؛

1.گاز گرتن لەسەر لۆکە بۆ ماوەى نیو کاتژمێر.

2.دواى لابردنى لۆکەکە نابێت لۆکەى تر دابنرێت.

3.ئەو ڕۆژەى کە ددانت دەکێشتیت نابێت تف بکەیت ، ئەگەر لیک یاخود خوێن لەناو دەم بوو پێویستە لە لێوارى لێوەوە بسڕدرێت.

4.نابێت غەر غەرە بکرێت هەتا تێپەڕبوونى ٢٤ کاتژمێر.

5.نابێت نان لەسەر ئەو لایە بخورێت کە ددانەکەى لێ کێشراوە.

6.نابێت زمان بەر برین (شوێنى ددانە کێشراوەکە) بکەوێت.

1.گاز گرتن لەسەر لۆکە بۆ ماوەى نیو کاتژمێر.

2.دواى لابردنى لۆکەکە نابێت لۆکەى تر دابنرێت.

4.نابێت غەر غەرە بکرێت هەتا تێپەڕبوونى ٢٤ کاتژمێر.

5.نابێت نان لەسەر ئەو لایە بخورێت کە ددانەکەى لێ کێشراوە.

6.نابێت زمان بەر برین (شوێنى ددانە کێشراوەکە) بکەوێت.

د.ئیدریس فایەق قەرەداغى

جیاوازى نێوان ئەنلفوەنزاى بەراز و ئەنفلوەنزاى ئاسایى

بەهزاد — Fri, 30 Oct 2009 14:04:06 +0000

ئەم وێنەیەى خوارەوە جیاوازى نێوان ئەنفلوەنزاى بەراز و ئەنفلوەنزاى ئاسایى ڕوندەکاتەوە لە ڕووى نیشانەکانییەوە

کرتە لە وێنەکە بکە بۆ بەگەورەکردنى

سەرچاوە ؛پێگەى تەلارساز

دەتەوێت جگەرە تەرک بکەیت ؟

بەهزاد — Wed, 28 Oct 2009 16:42:25 +0000

بۆ ئەوانەى کە بڕیار دەدەن بە شێوازى قۆناغ بە قۆناغ جگەرە تەرک بکەن ، چەند کەرەستە و ئامرازێک هەن کە دەبنە یارمەتیدەر

وەک لەزگەى نیکۆتین کە لەسەر پێست دەدرێت و لە پێستەکەوە نیکۆتینەکە دەمژرێت بۆ ناو خوێن و بەوەش کەسەکە ئارەزوى بۆ جگەرە کەم دەبێتەوە ، هەروەک بنێشتى نیکۆتین و حەپى نیکۆتینیش هەیە و جگەرە کێش دەیانخاتە دەمییەوە و بەوەش نیکۆتین لە ڕێى کۆئەندامى هەرسەوە وەردەگیرێت و هەریەکە لەوانەش ٢٥ میللیگرام نیکۆتینیان تێدایە ، بەڵام لە هەر جگەرەیەک ٧٥ میللیگرام نیکۆتین هەیە . هەروەک لەو ڕێیەوە کۆئەندامى هەناسەدان لە پیسبوون و نەخۆشى دەپارێزێت و نیکۆتین و چوار هەزار ماددەى دیکەى بەرناکەوێت کە لە جگەرەدا هەن و زیانیان هەیە وەک قەتران و یەکەم ئۆکسیدى کاربۆن.

بەهۆى زیادبوونى زانیارییەکان سەبارەت بە زیانە تەندرووستیەکانى جگەرە کێشان ، ئێستا چەندین دامەزراوە و سەنتەرى پزیشکى و دەروونى و کۆمەڵایەتى چالاکانە کاردەکەن بۆ دۆزینەوەى ئامراز و هۆکارى یارمەتیدەر بۆ تەرککردنى جگەرە . بۆ نموونە پێکهێنانى (کۆمەڵەى تەرککردنى جگەرە ) مە بەسەرپەرشتى ڕێکخراوێک ئەندامەکانى بەڵێن دەدەن واز لە جگەرە کێشان بهێنن و پەیوەندى لە نێوان خۆیان و ڕێکخراوەکەشدا درووست دەکەن و لەو ڕێگەیەشەوە جگەرە تەرک دەکەن.

هەروەها خەواندنى موگناتیسیش هۆکارێکى یارمەتیدەرى دیکەیە و لەو ڕێگەیەوە ئیرادەى کەسەکە بەهێز دەرێت و واز لە جگەرە دەهێنێت.

چارەسەر کردن لەڕێگەى گژوگیاوە بە هۆکارێکى یارمەتیدەرى دیکە دادەنرێت لە گەڵ چارەسەرکردن بە شێوازى پزیشکى چینى کە کوتانى جەستەیە لە ڕێگەى دەرزییەوە.

باوەڕت بە پزیشک هەبێت چاک دەبیتەوە !

بەهزاد — Thu, 22 Oct 2009 18:14:00 +0000

دایکى ئیمان باسى دراوسێیەکیانى کرد بە ناوى دایکى ئیبراهیم کە دەزانێت من پزیشکم و جارجارە سەردانى ئەم ماڵە دەکەم , بۆیە داواى کردبوو لە یەکێک لە سەردانەکانما چاوى پێم بکەوێت بەڵکو لەو نەخۆشییە ڕزگارى بێت کە دوو ساڵە پێوەى دەناڵێنێت . دایکى ئیمان وتى ؛ ئەو ژنە خەڵکى شارى نبکەیە و چۆتە تەمەنەوە و شایستەى سۆز و بەزەییە , بیرۆکەکەیم پەسەند کردوو پێم وت ؛ مادام ماوەى دوو ساڵە نەخۆشە پێى بڵێ هەرچى دەرمان و پشکنینى پزیشکییە لەگەڵ خۆیدا بیهێنێت و بێت بۆ لام تا بزانم هۆکارى نەخۆشییەکەى چییە ؟ دایکى ئیمان چوو بۆلاى دایکى ئیبراهیم تا پێى بڵێت بێت بۆ لام . پاش ماوەیەکى کەم هەردووکیان هاتنەوە بۆ لام و عەلاگەیەکى پڕ لە دەرمان لەگەڵ ژمارەیەکى زۆر لە ئەشیعە و پشکنینى پزیشکى پێبوو .

گوێم لە دایکى ئیبراهیم گرت و لەسەر هەموو ئەو شتانەى کە پەیوەندى بە نەخۆشییەکەیەوە هەبوو پرسیارم لێکرد , پاشان کاتێکى باشیشم لە پشکنینى دەرمانەکان و ئەنجامى پشکنینە پزیشکییەکاندا بەسەر بردوو بۆم دەرکەوت کە سەرجەمیان ئاساین و شتێکى سەرنجڕاکێشى تێدا نییە.

بەو مانایەى کە نەخۆشییەکى دیاریکراوى نییە , کە ئەمەش گومانى ئەوەى بۆ درووست کردم کە نەخۆشى ئەم ژنە جەستەیى نییە , بەڵکو نەخۆشییەکى دەروونیە . بۆ دیاریکردنى جۆرى نەخۆشییەکە سوودم لە قسەکانى دایکى ئیمان وەرگرت لەسەر چۆنێتى ژیانى دایکى ئیبراهیم , ئەم ژنە لە هەژارى و دوورى لە شارە ڕاستەقینەکەى خۆیەوە و ماڵێکى زۆر بچووکدا دەژى لەگەڵ هەموو ئەمانەشدا مێردەکەى نەزۆکە و تواناى منداڵ بوونیان نەماوە . پاش ئەوەى توانیم هۆکارى نەخۆشییەکە بزانم , بۆم دەرکەوت کە هۆکارى چاک نەبوونەوەکەى دەگەڕێتەوە بۆ ئەوەى کاتێکى کەمم لەگەڵ نەخۆشەکەدا بەسەر بردووە و بەتەواوى گوێم لە کێشەکانى نەگرتووە و تەنها باسى نەخۆشییەکەیمان کردووە بە بێ ئەوەى باسى کێشە کۆمەڵایەتى و ئابووریەکان بکەین . هەموو ئەمانە هۆکارن بۆ ئەوەى هۆکارى تەواوى نەخۆشى لرەلاى پزیشکەکان دیارینەکرێت , لە ئێستاشدا لایەنى دەروونى بۆ چارەسەر زۆر زۆر گرنگە…

سیناریۆ

سەیرێکى پشکنیینە پزیشکییەکانیم کردەوە و لەدواین پشکنیندا چاوم کەوت بە ناوەکەى , لەو کاتەدا کە ناوەکەیم دەخوێندەوە لە مێشکمدا بۆکەیەکم داڕشت تا واىلێبکەم باوەڕى بەو چارەسەرانە هەبێت کە دەیدەمێ ، ناوى ئامینە ئەحمەد ئەبوسن بوو خەڵکى شارى نبک بوو …. سەیرم کردوو لێم پرسى ؛ دایکى ئیبراهیچ وا هەست ئەکەم لە پێش ئێستا لە شوێنێکى دیکە بینیومى .

-نازانم پێشتر یەکمان بینیوە.

*دەمووچاوت لاى من نەناسراو نییە.

-بۆ نموونە لە کوێ یەکترمان بینیوە.

*لەوانەیە لەشارى نبک یەکترمان بینىبێت.

-لەوانەیە،چونکە من خەڵکى نبکم.

لێرە پێکەنینێکم کردوو خۆم دڵخۆش کردوو پێموت ؛

*بەڕاستى خەڵکى نبکیت.

-بەڵێ،من خەڵکى نبکم.

تۆزێک بیرم کردەوە و پاشان وتم ؛

*تۆ لەچ خانەوادەیەکى ، نبک چەندین خانەوادەى ناسراوى تێدایە ، بۆ نموونە خانەوادەى ئەبوسن و …..

قسەکەى پێبڕم و وتى؛

-بەڵێ من لە خانەوادەى ئەبوسنم. (سوپاس بۆ خوا قسەکەى بە خێراى پێبڕم چونکە ناوى هیچ خێزانێکى دیکەم لەبەرنەبوو تا بیڵێم ، درێژەم بە یارییەکەدا و وتم ؛

*خانەوادەى ئەبوسن چەندین نەوەى باش و ناسراویان تێدایە بۆ نموونە حاجى ئەحمەد و ….. (جارێکى تر ڕزگارى کردمەوەو بەخێراى و زۆر بە دڵخۆشییەوە وتى ؛

-بەڵێ بەڵێ ، من کچى حاجى ئەحمەدم.

یارییەکە سەرکەوتوو بوو بۆیە درێژەم پێداو وتم؛

*حاجى ئەحمەد چەندین کچى هەبوو لەوانە ئامینە .. (جارێکى تر ڕزگارى کردمەوە و بە خۆشییەکى زۆرەوە وتى ؛

-من ئامینەم ، من ئامینەم.

*چەند گۆڕاوى !

-ئاى دکتۆر ژیان قورسە و نەخۆشى و هەژاریش بڕستى لێهەڵگرتووین ، ژیان ئاواى لێکردم.

زیاتر لەگەڵ یارییەکەدا ڕۆیشتم و وتم ؛

*براکانت لە کوێن ؟

قسەکەى پێبڕیم و وتى ؛

-ئەبو ئەحمەد.

*بەڵێ.

-ئەو لە کوێ…. نا لێرەیە.

تێنەگەیشتم لەسەرەتادا ویستى بڵێ لە کوێتە ، بۆیە پێم وت ؛

*ئەى ئەو لە کوێت نەبوو ؟

-بەڵێ ڕاستە ، بەڵام ئێستا بە سەردان هاتۆتەوە .

*دەنگو باسى چۆنە ؟

-سوپاس بۆخوا زۆر باشە.

*ئەى ئەحمەد ژنى هێناوە یان نا ؟

-وەڵا دکتۆر هاتنەکەى بۆ ئێرە بە مەبەستى ژنهێنانە.

*بەڕاستى پێم خۆشە ئەحمەد شایستەى هەموو شتێکە.

-خوا بتپارێزى دکتۆر.

*ئەى خوشکە گەورەکەت چۆنە ؟ ناوەکەیم لەبیر چۆتەوە .

-مەبەستت خەدیجەیە ؟

*بەڵێ بەڵێ خەدیجە ، دەنگ و باسى چۆنە بەڕاستى گوناحە.

-بەداخەوە ، لەسوچێکى ماڵەوەدا کەوتووە ،خوا ڕەحمى پێبکات.

چاکبۆوە

بەم شێوەیە یارییەکە کۆتاى پێهات ، بەڵام گەیاندمە بارودۆخێکى باش و وام لێکرد باوەڕى تەواوى پێم هەبێت و حەبێکم لەناو دەرمانەکندا بۆ هەڵبژاردوو پێم وت ئەگەر ئەمە بخۆیت چاک دەبیتەوە.هەموو ئەمانە بە بێ ئەوەى دایکى ئیمان ئاگاى لێبێت بەڕێوەچوو ، لەسەردانێکى دیکەدا لە دایکى ئیمانەوە زانیم کە دایکى ئیبراهیم بە شێوەیەکى زۆرباش چاک بۆتەوە بەڵام وتى هەر لە خۆیەوە قسەى هەڵیت و پڵیت دەکات.

*چۆن ؟

-باسى ئەوە دەکات کە تۆ خەڵکى نبکى و پەیوەندى خزمایەتى بەهێزت لەگەڵیدا هەیە وباوکى و براکەى و خوشکەکەى … دەناسیت. جارێک هاتووە پرسیارى تۆى کرد و وتى کوا دکتۆرى شارەکەمان ، کااتێکیش کە پێم وت ئەو دۆستى ئێمەیە و خەڵکى شارەکەى ئێوە نییە ، پێکەنى و وتى ؛ وادەزانى ئەوەنە بێئەقڵم تا باوەڕت پێبکەم ، تووشى نەخۆشى دەروونى بووە ، بەردەوام پرسیارى تۆم لێدەکات و چاوەڕێى هاتنت دەکات … مێردەکەشى پێیخۆشە بتبینێت . بابانگیان بکەم.

*نا نا دایکى ئیمان بۆستە بانگیان مەکە.

-بۆچى ؟ مێردەکەى وتى کە ئەو دکتۆرە هات یەکسەرم پێم بڵێ ، زۆر دڵخۆشە بە چاک بوونەوەى ژنەکەى .

*کەمێک ڕاوەستە با پێت بڵێم کە ئەو ژنە تووشى نەخۆشى دەروونى نەبووە بەڵکە هۆکارەکەى ئەوەیە کە (چیرۆکەکەم بە تەواوى بۆ گێرایەوە و داوام لێکرد هەمان شت بۆ دایکى ئیبراهیمیش بگێڕێتەوە). دایکى ئیبراهیم باوەڕى بە چیرۆکەکە نەکردبوو و وتبووى ؛

-بۆ یەکێکى دیکەى باسکە ، لە پشکنینە پزیشکییەکاندا نووسرابوو کە باوکى ئەحمد لە کوێتە ، یاخوود نووسرابوو خوشکەکەم لەماڵەوە کەوتووە ؟ یان ….

دایکى ئیبراهیم لە نەخۆشییەکەى چاک بوویەوە لەبەرئەوەى بە تەواوى باوەڕى بەو پزیشکەى هەبوو کە متمانەى بەدەستهێنا و کاتێکى زۆرى بۆ چارەسەرکردنى تەرخان کرد.

هەفتانە

کارکردنى زۆر خانەکانى مۆخ لەناو دەبات !

بەهزاد — Tue, 20 Oct 2009 14:24:28 +0000

بە پێى توێژینەوەیەکى نوێ کارکردن بۆ ماوەى زیاتر لە ٤٠ کاتژمێر لە هەفتەیەکدا دەبێتە هۆى پەککەوتنى خێرا لەسەرەتاى تەمەندا.

ئەم توێژینەوە لەسەر زیاتر لە ٢٢٠٠ کارمەندى حکومەتى بەریتانیا ئەنجامدرا و لە ئاکامدا دەرکەوت ئەو کارمەندانەى کە بۆ ماوەیى زیاتر لە ٤٠ کاتژمێر لە هەفتەیەکدا کاردەکەن تواناى هەستەوەرى و زانینیان لە چەند تاقیکردنەوەیەکى دیاریکراودا لاواز دەبێت و ئاستى زیرەکییان لەسەرەتاى تەمەنیاندا دادەبەزێت , ئەمەش بە بەراورد بەو کارمەندانەى کەکاتى دەوامى فەرمییان ٣٥ بۆ ٥٠ کاتژمێرە لە هەفتەیەکدا.

(( ماریانا فیرتانین)) بەڕێوبەرى توێژینەوەکان لە پەیمانگاى تەندروستى فنلەندى وتى ؛ مەرج نییە هۆکارى لاواز بوونى ئاستى زیرەکى لەو کارمەندانەدا زۆرى کارکردنیان بێت , بەڵکو چەند هۆکارێکى تر لە پشت ئەم کێشەیەوە هەیە لەوانەش ئەو هۆکارانەى کە پەیوەندیان بە سروشتى هەندێک کارەوە هەیە , یان ئاستى فێربوون لاى هەندێک لە فەرمانبەران , یان بارى تەندروستى ئەو کارکەرە وەکو بوونى پەستانى خوێن و نەخۆشییەکانى دڵ . بەپێى توێژینەوەیەکى تریش کە تیایدا بۆ ماوەى ٥ ساڵ چاودێرى ٢٢١٤ کارمەندى تەمەن ٣٥ بۆ ٤٠ ساڵ کرا , ئەوانەى زیاتر لە ٥٥ کاتژمێر لە هەفتەیەکدا کار دەکەن نیشانەکانى دابەزینى ئاستى زیرەکییان تیا دەردەکەوێت .

هەفتانە